11 vetura janë djegur në lagjen Dardania në Prishtinë, katër prej tyre plotësishtë, siç thuhet, për pasojë të zjarrit që kaploi kontejnerët e mbeturinave.
Policia e Kosovës raporton se në ora 03:35, në lagjen Dardania në Prishtinë, respektivisht në një parking afër rrugës “Lekë Dukagjini”, është raportuar për një rast zjarri.
Në vendin e ngjarjes kanë dalë të gjitha njësitet e nevojshme policore, zjarrfikësit si dhe zyrtari për hetimin e shkaqeve të zjarrit.
Sipas hetimit fillestar dyshohet se nga ndezja e mbeturinave është shkaktuar zjarri, i cili ka përfshirë 11 automjete, 4 prej të cilave janë dëmtuar pothuajse tërësisht.
Zjarri është lokalizuar në ora 04:35 dhe janë shkaktuar vetëm dëme materiale.
Zjarri në kontejnerët që ndodhen përbri restorant Dubrovnikut në lagjen Dardania, mendohet se ka ‘kaluar’ nga zona e kontejnerëve të mbeturinave, duke shkaktuar dëme të mëdha tek makinat e parkuara për rreth dhe panik tek banorët në ndërtesat afër tyre.
Aktualisht policia në bashkëpunim me institucionet relevante është duke punuar për ndriçimin e plotë të rastit.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite