Serbia sot mban zgjedhjet e jashtëzakonshme parlamentare e lokale.
Rreth 6.5 milionë banorë të vendit fqinj do të mund ta shfrytëzojnë të drejtën e tyre për të votuar prej orës 07:00 deri në 20:00, në 8.273 qendra votimi.
Në këto zgjedhje marrin pjesë edhe shqiptarët e Luginës së Preshevës, teksa partitë politike atje kësaj radhe kandidojnë me dy lista: “Beteja politike e shqiptarëve vazhdon” që udhëhiqet nga Shaip Kamberi dhe “Alternativa Demokratike Shqiptare-Lugina e Bashkuar” e Shqipërim Arifit.
Kryetari i Komisionit Zgjedhor të Serbisë, Vlladimir Dimitrijeviq, në një deklaratë për media ka thënë se të gjitha qendrat e votimit janë hapur me kohë.
Ndërkohë, serbët e Kosovës qysh në orët e para të mëngjesit janë nisur drejt Serbisë për të votuar, pasi Qeveria e Kosovës nuk ka lejuar mbajtjen e këtyre zgjedhjeve në vendin tonë.
Kryeministri Kurti ka kërkuar që shteti i Serbisë t’i bëjë kërkesë të drejtpërdrejtë qeverisë së Kosovës për lejimin e mbajtjeve të zgjedhjeve, por autoritetet në Beograd kanë refuzuar një gjë të tillë, duke pasur parasysh se nuk e njohin pavarësinë e Kosovës./rtk
Turki Alalshikh ka gjetur kundërshtarin e radhës për Daniel ...
Kriza në Lindjen e Mesme, Blinken: Izraeli ka të drejtë të m...
Rama në OKB: Kosova, realitet i pakthyeshëm ndërkombëtar
Kurti u takua me kryeministrin e Kroacisë, diskutuan për rap...
Ushtria izraelite urdhëron banorët në disa zona të Bejrutit ...
Nuk do të dalin nga moda: Tapeta muri me lule për çdo shtëpi