Google ADS

Zëvendësministri Shkodra takohet me kryeparlamentarin Xhaferi

14:58 | 20 Mars 2018
Arbresh.info

Zëvendësministri i Punëve të Brendshme (MPB), Selami Shkodra, është takuar të martën në Shkup me kryetarin e Kuvendit të Maqedonisë, Talat Xhaferi dhe zëvendësministrin e Punëve të Maqedonisë, Agim Nuhiu.

Shkodra ka thënë se me Xhaferin dhe Nuhiun kanë bashkëbiseduar për agjendën evropiane të dy shteteve dhe sigurinë.

“Sot me bashkëpunëtorë vizitova Republikën e Maqedonisë. Takova kryetarin e Kuvendit të Maqedonisë, Talat Xhaferi. Biseduam për raportet mes të dyja shteteve si dhe në përpjekjet që po bën Republika e Kosovës dhe Maqedonisë në agjendën e integrimeve evropiane. Po ashtu takova edhe zëvendësministrin e Punëve të Maqedonisë Agim Nuhiu, në këtë takim diskutuam për raportet mes dy vendeve në veçanti në fushën e sigurisë me theks të veçantë për luftën kundër krimit të organizuar dhe kontrabandës. Bashkëbiseduam për bashkëpunimin e shkëlqyer mes të dyja vendeve dhe thellimin e këtij bashkëpunimi”, ka shkruar Shkodra në llogarinë e vet në “Facebook”.

 

Shpërndaje në rrjete sociale

Lajmet më të lexuara

Të ngjashme

Foto lajm