Zëvendësministri i Mbrojtjes: Ministri Mehaj nuk ka pasur asnjë përplasje me Rrahman Ramën

23:32 | 30 Nëntor 2021
L G

Zëvendësministri i Mbrojtjes Shemsi Syla ka folur për dorëheqjen e komandantit të FSK-së, Rrahman Rama.

Ai thotë se këto ndryshime në ushtri janë normale në kuadrin e zhvillimit dhe ngritje të kapaciteteve.

Syla në “Debat Plus” thotë se nuk është e vërtet se Ministri Armend Mehaj dhe Rrahman Rama kanë diskutuar për dërgimin e automjeteve të FSK-së në veri.

“Në ato kohë për të cilat po flitet (ngjarjet në veri), ministri e as komandanti i FSK-së nuk kanë qenë në Kosovë. Unë kam qenë në detyrë në ato momente dhe një gjë e tillë nuk ka ndodhur”, tha ai.

Zëvendësministri i Mbrojtjes thotë se mund të ketë pasur negociata për një kohë por sipas tij presione për dorëheqje nuk ka pasur.

“Asnjë përplasje Ministri Mehaj me komandantin e FSK-së (Rrahman Ramën) nuk kanë pasur”.

Syla thotë se dokumenti i Atasheut ushtarak amerikan në Kosovë për në lidhje me mënyrën e përdorimit të automjeteve të FSK-së ka qenë i njohur edhe para aksionit në veri.

Shpërndaje në rrjete sociale

Lajmet më të lexuara

Të ngjashme

Foto lajm