Zemaj: Unë s’jam si Arben Vitia “me pru teste prej Serbisë”

20:24 | 13 Korrik 2020
L G

Ministri i  Shëndetësisë, Armend Zemaj, derisa po ballafaqohej me deputetët e Vetëvendosjes në seancën plenare në Kuvend, ka deklaruar se ai nuk është sikur ministri i kaluar i shëndetësisë, Arben Vitia, i cili, sipas Zemajt, fliste me ministra serbë e nuk tregonte pastaj.

“Unë nuk jam sikur ai ministri paraprak me fol me ministrin e Serbisë e mos me iu tregu”, ka thënë Zemaj, kur deputetët e Vetëvendosjes ia vendosën si referencë krahasuese ish-ministrin.

“Unë nuk jam sikur ai ministri paraprak me pru teste të Serbisë”, ka vazhduar Zemaj.

Pasi e ka përfunduar, i kanë replikuar deputetët e Vetëvendosjes.

Fitim Uka ka deklaruar se vetë fakti që Zemaj po e krahason vetën me Vitinë “nuk do fare koment”.

Sa për kritikat se si jurist drejton dikasterin e shëndetësisë, ai ka thënë se rasti i ngjashëm është edhe në Gjermani.

“Ministri i Shëndetësisë i Gjermanisë është me Shkenca Politike dhe Drejtësi. Kjo është motiv për mua”.

Shpërndaje në rrjete sociale

Lajmet më të lexuara

Të ngjashme

Foto lajm