Rezoluta e propozuar nga Lidhja Demokratike e Kosovës për ta ndaluar presidentin e vendit Hashim Thaçi që të diskutojë me Serbinë për kufijtë e Kosovës do të hedhet në votim përsëri ani pse sot nuk i mori votat e mjaftueshme për miratim.
Deputeti i LDK-së, Armend Zemaj sot në “Click” deklaroi se rezoluta e propozuar nga ky subjekt politik nuk është rrëzuar andaj ai tha se do ta sjellin në rivotim.
“Rezoluta nuk e ka marrë shumicën sepse po të duhej të rrëzohej duhej të merrnin pjesë në votim 61 deputetë dhe mos t’i kishte votat e mjaftueshme. Kjo është akoma në procedurë sipas rregullores së punës së Kuvendit…Ne do të kërkojmë që pavarësisht votimit të sotëm të hedhet prapë në votim”, tha ai duke shtuar se deri atëherë sa nuk e merr vota kundër nga pjesa tjetër atëherë kjo rezolutë konsiderohet e rrëzuar.
Mirëpo ai nuk dha një afat kohor kur do rezoluta do të dalë në rivotim. Për mungesë të vendimmarrjes as sot nuk u miratua rezoluta e opozitës me të cilën i ndalohet presidentit të diskutojë për kufijtë dhe territorin në dialogun me Serbinë.
Edhe pse në sallë ishin të pranishëm 91 deputet në votim morën pjesë vetëm 50 prej tyre, dhe të gjithë votuan për.
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...