Zeka: Shkëmbimi i territoreve, ide e Bashkësisë Ndërkombëtare, as në ëndërr e Thaçit e Hazirit

17:49 | 4 Gusht 2018
V. S.

Deputeti nga radhët e Nisma Socialdemokrate, Milaim Zeka në një prononcim për “Zeri.Info”,ka deklaruar se ideja për shkëmbim të territoreve është e Bashkësisë Ndërkombëtare dhe asnjëherë e presidentit, Hashim Thaçi apo e kryetarit të Gjilanit Lutfi Haziri.

Sipas Zekës presidenti Thaçi ka gabuar që nuk ka treguar me kohë, kjo pasi që kjo ide është që dy vite në tavolinën e bisedimeve, shkruan “Zeri.Info”.

“Ai nuk është propozim e as ide e presidentit Thaçi, këto janë mendime dhe propozime Bashkësisë Ndërkombëtare, të Rusisë dhe Serbisë. Thaçi të vetmin gabim e ka ba që nuk ka tregu që kjo ide është që dy vjet në tavolinë të bisedimeve.

Ishalla nuk i mbushet mendja Brukselit dhe Uashingtonit se na ndajnë me ka krejt. Nuk është ide e Thaçit kjo, ai ëndërr s’kishte me guxu me pa këtë punë, e as Lutfi Haziri, por që të dyve ua kanë thënë ndërkombëtaret”, deklaroi Zeka./ZËRI/

Shpërndaje në rrjete sociale

Lajmet më të lexuara

Të ngjashme

Foto lajm