Zbulohen dy laboratorë të sofistikuar të përpunimit të lëndëve narkotike

20:29 | 24 Shtator 2019
Arbresh.info

Policia e Kosovës ka realizuar gjatë pasdites së sotme një operacion anti-drogë.

Gjatë operacionit janë identifikuar dhe zbuluar dy laboratorë të sofistikuara dhe mirë të kamufluara për përpunim të lëndëve narkotike, bëhet e ditur në konferencën e jashtëzakonshme të PK-së, raporton portali arbresh.info.

Bëhet e ditur se hetimi nga zyrtarët e anti-drogës për identifikimin e këtyre laboratorëve kishte zgjatur rreth katër muaj.

Tutje drejtori i Drejtorisë për Hetimin me Trafikimin me Narkotik, Bahri Shala ka thënë se njëri laborator ishte në fshatin Dabishec, komuna e Prishtinës dhe një në qytetin e Prishtinës.

Gjatë kësaj periudhe Policia e Kosovës bën të ditur se janë realizuar një numër operacionesh nëpër Kosovë ku janë konfiskuar sasi e konsiderueshme e substancave narkotike si dhe janë arrestuar numër i madh i personave të dyshuar dhe janë shpartalluar grupe të ndryshme kriminale./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm