Ymeri: Haradinaj, peng i akuzave të montuara politike të Serbisë

11:24 | 2 Mars 2017
Arbresh.info

Lideri i VV-së, Visar Ymeri ka reaguar pas shtyrjes së vendimit për Ramush Haradinajn sot në gjykatën franceze.

Ymeri tha se si është e mundur që Prokuroria e Serbisë të ketë efekt juridik mbi qytetarët në territorin e Kosovës ku ky shtet nuk ka juridiksion në Kosovë, shkruan arbresh.info.

Lexoni të plotë postimin e tij:

Është e padrejtë që Ramush Haradinaj vazhdon të mbahet i ndaluar në Francë. Haradinaj sot është peng i aktakuzave të montuara politike të Serbisë. Pra po mbahet si peng i Serbisë.

Republika i Kosovës është shtet i pavarur nga Serbia. Jurisdiksioni i saj në Kosovë nuk ekziston. Atëherë si i bëhet që prokuroria e Serbisë paska efekt juridik mbi qytetarët e territorin e Kosovës?

Këtë nuk bën ta pranojë assesi Republika e Kosovës. Ramush Haradinaj është qytetar i Republikës dhe luftëtar vetmohues për çlirimin e saj po nga Serbia. Aktakuzat e Serbisë nuk bën të pranohen. Nga askush në Kosovë. Nga askush që e ka njohur Kosovën si Republikë./Arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm