VV e LDK lëshojnë seancën e Kuvendit, pagat e zyrtarëve qeveritarë bëhen shkak

10:54 | 13 Mars 2018
Arbresh.info

Ka nisur seanca e Kuvendit, e cila është vazhdim i seancave të mëparshme.

Shefi i grupit parlamentar të LDK-së, Avdullah Hoti ka thënë se nëse deputetët  nuk i votojnë  rekomandimet  e interpelancës lidhur me Vendimin e Qeverisë së Kosovës nr.04/20 të datës 20.12.2017 për rritjen e pagave të anëtarëve të Kabinetit qeveritar, Vendimin nr. 05/24 i datës 12 janar 2018, për rritjen e pagave për të gjitha kategoritë e të punësuarave që marrin paga nga buxheti i Kosovës, si dhe Vendimi nr. 15/24 i datës 12 janar 2018 për lartësinë e pagesës mujore për familjet në Skemën e Ndihmave Sociale, ata do ta lëshojnë seancën.

Kryetari Veseli hodhi në votim rekomandimet mirëpo votuan vetëm 46 deputetë ku 45 votuan për ndërsa 1 ka abstenuar.

Shkaku i kësaj LDK dhe VV kanë lëshuar seancën e Kuvendit të Kosovës.

Kuvendi për shkak të mungesës së kuorumit ka shkuar në pauzë./Arbresh.info

 

 

Shpërndaje në rrjete sociale

Lajmet më të lexuara

Të ngjashme

Foto lajm