Google ADS

Vulin: ‘Shqipëria e Madhe’ nuk krijohet pa luftë me Serbinë

00:21 | 4 Janar 2019
Trina Galanxhi

Ministri serb i Mbrojtjes Aleksandër Vulin ka deklaruar sot se disa herë ka kërkuar nga presidenti i Serbisë Aleksandër Vuçiç, që të shqyrtojë politikën ndaj Bashkimit Evropian dhe se Serbia duhet ta ndryshojë pozicionin e vet ndaj BE-së, nëse Europa nuk do ta ndalojë krijimin e Shqipërisë së Madhe.

“Këtë e kam kërkuar disa herë dhe ai kurrë nuk më ka përkrahur. Edhe tani kërkoj që të mendojmë nëse na duhet një BE e tillë dhe një politikë e tillë. Kjo natyrisht se varet nga ai”, ka thënë Vulin.

Ai ka theksuar se Europa dhe tërë bota po heshtin ndaj “formimit të Shqipërisë së madhe”.

“Shqipëria e madhe nuk mund të krijohet e të mos shkaktojë konflikte në Ballkan, jo vetëm me Serbinë e jo vetëm me serbët. Kryeministri shqiptar tashmë ka paralajmëruar se dëshiron t’i fshijë kufijtë me Malin e Zi, Maqedoninë e Greqinë dhe porosit se kudo që jetojnë shqiptarët nuk do të ketë kufij ndërmjet tyre. Kështu formohet Shqipëria e madhe”, citon FoNet të ketë thënë Vulin.

Shpërndaje në rrjete sociale

Lajmet më të lexuara

Të ngjashme

Foto lajm