Vulin nga Moska: Evropa po e nënvlerëson rrezikun e “Shqipërisë së Madhe”

10:07 | 5 Prill 2018
V. S.

Ministri i Mbrojtjes i Serbisë, Aleksandar Vulin, ka thënë se precedenti që shumë vende perëndimore kanë bërë duke pranuar pavarësinë e Kosovës, sipas tij duke injoruar interesat serbe, paraqet një rrezik të madh për paqen dhe sigurinë jo vetëm në Ballkan, por në të gjithë Evropën.

Sipas tij, “favorizimi i idesë nacionaliste të ‘Shqipërisë së Madhe’, në mënyrë të pashmangshme do të çojë në një konflikt që nuk mund jetë i lokalizuar plotësisht”, raporton Telegrafi.

“Evropa nuk punon për të parandaluar ‘konceptin e Shqipërisë së Madhe’ dhe janë duke nënvlerësuar një rrezik të tillë”, citohet të ketë thënë Vulin.

Këto deklarata, ministri serb i ka bërë Konferencën dyditore Ndërkombëtare për Sigurinë me pjesëmarrjen e përfaqësuesve të 95 vendeve, ministrave të mbrojtjes dhe zyrtarëve ushtarakë në Moskë. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm