Vuçiq takohet me Lajçakun në Davos, diskutojnë për situatën në Kosovë

15:03 | 17 Janar 2024
E.K

Presidenti i Serbisë, Aleksandër Vuçiq, është takuar me emisarin e Bashkimit Evropian për dialogun Kosovë-Serbi, Miroslav Lajçak, në margjina të Forumit Ekonomik Botëror, në Davos.

Me anë të një postimi në Facebook, Vuçiq ka bërë të ditur se gjatë takimit me Lajçak, është diskutuar për situatën në Kosovë.

“Një bisedë e hapur me Miroslav Lajçak për situatën në Kosovë dhe kërcënimet me të cilat përballet popullata serbe në baza ditore, të cilat kërcënojnë paqen dhe stabilitetin e rajonit”, u shpreh ai.

Presidenti serb tha se “Prishtina po vë në pikëpyetje gjithçka që është arritur deri më tani në procesin e normalizimit të marrëdhënieve”.

“E ritheksova se Serbia vazhdon të udhëheqë një politikë të përgjegjshme të bazuar në dialog dhe të drejtën ndërkombëtare, por gjithashtu paralajmërova se Prishtina po vë në pikëpyetje gjithçka që është arritur deri më tani në procesin e normalizimit të marrëdhënieve”, përfundoi ai./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm