Vuçiq: Nuk ekziston dialog me Kurtin

17:59 | 30 Prill 2022
Lorik Gerbeshi

Presidenti i Serbisë, Aleksandër Vuçiq, ka deklaruar se nuk pret asgjë nga takimi i së mërkurës në Berlin.

“Asgjë e mirë nuk pritet. Nuk jemi duke folur, jo me dëshirën dhe vullnetin tonë, por të atyre që nuk mendojnë të flasin për ato që kanë nënshkruar dhjetë vjet më parë”, është shprehur Vuçiq, raporton Blic.rs.

“Jam skeptik për këtë çështje. Dikur dialogonim, por sot ai dialog me Kurtin nuk ekziston”.

Takimin e thirrur nga Kancelari i Gjermanisë, Olaf Scholz, kreu serb ka theksuar se e sheh si mundësi për të shprehur pikëpamjet e tyre.

“Nuk nuk ua ndryshojmë qëndrimin për Kosovën, apo sanksionet ruse. Është e sigurt se kjo nuk do të ndodhë. Unë s’kam pritshmëri të mëdha, përveç të Scholz do të na dëgjojë atë që themi”.

Shpërndaje në rrjete sociale

Lajmet më të lexuara

Të ngjashme

Foto lajm