Google ADS

Vuçiq flet për kidnapimin e policëve të Kosovës: Kurti e ka pranuar se ka shkelur të drejtën ndërkombëtare

15:54 | 15 Qershor 2023
E.H

Presidenti i serb, Aleksandar Vuçiq, ka folur rreth kidnapimit të tre policëve kufitarë që ndodhi të mërkurën.

Vuçiq pas takimit me presidenten e Sllovenisë Natasha Pirc Musar para mediave tha se kryeministri i Kosovës, Albin Kurti e ka shkelur të drejtën ndërkombëtare.

“Vetë Albin Kurti ka pranuar se ka shkelur të drejtën ndërkombëtare duke deklaruar se tre shqiptarët e arrestuar ndodheshin 300 metra brenda territorit administrativ të Republikës së Kosovës”, tha presidenti serb shkruan Tanjug.

Vuçiq tha se sipas marrëveshjes ushtarako-teknike, është e detyrueshme të raportohet afrimi në një kilometër në vijën administrative, 36 orë përpara.

Sipas tij policia dhe ushtria serbe asnjëherë nuk e ka kaluar vijen kufitare me Kosovën.

“KFOR-i mund të konfirmojë se Serbia, statistikisht, nuk e ka bërë kurrë këtë”, shtoi ai.

Shpërndaje në rrjete sociale

Lajmet më të lexuara

Të ngjashme

Foto lajm