Vrasja në Shoqatën e të Shurdhërve në Mitrovicë, Prokuroria: Nuk ka persona të dyshuar për këtë rast

15:24 | 11 Janar 2023
E.H

Prokuroria Themelore në Mitrovicë jep detaje për një person që është gjetur pa shenja jete brenda Shoqatës së të Shurdhërve në Mitrovicë.

“Viktima ka qenë anëtar i kësaj shoqate, vrasja është e dhunshme dhe sipas ekspertit mjeko ligjor që ka dalur në vend ngjarje, dyshohet se ka ardhur si pasojë e disa goditjeve me një mjet të mprehtë”, thuhet në njoftim.

Prokurori kujdestar ka dalur në vendin e ngjarjes, dhe ka urdhëruar që trupi i pajetë i viktimës të dërgohet për autopsi në Institutin e Mjekësisë Ligjore në Prishtinë.

Ndërsa dorasi i kësaj vepre, siç njofton prokuroria përmes një komunikate për media, nuk dihet se kush është.

“Gjer më tani nuk ka të identifikuar persona të dyshuar për këtë rast, por prokurori i shtetit në koordinim me policinë janë duke zhvilluar hetime intensive në mënyrë që të identifikohet kryerësi i veprës penale “Vrasja”, me qëllim të arrestimit dhe vënies para drejtësisë”, thuhet tutje njoftim./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm