Vrasja në Kolovicë, një muaj paraburgim për njërin nga të dyshuarit

15:18 | 30 Mars 2024
E.K

Gjykata Themelore në Prishtinë i ka caktuar një muaj paraburgim të pandehurit, L.H i dyshuar për vrasjen në Kolovicë, ku mbetën dy të vrarë.

“Gjykata Themelore në Prishtinë, Departamenti për Krime të Rënda ka vendosur lidhur me kërkesën e Prokurorisë Themelore në Prishtinë për caktimin e masës së paraburgimit kundër të pandehurit L.H për shkak të dyshimit se në bashkëkryerje me të pandehurit K.G dhe B.K, të cilët gjenden në arrati kanë kryer veprën penale Vrasje e rëndë nga neni 173 paragrafi 1 lidhur me nenin 31 të Kodit Penal të Republikës së Kosovës”, ka njoftuar gjykata.

Kundër këtij aktvendimi, palët e pakënaqura kanë të drejtë ankese në Gjykatën e Apelit, përmes Gjykatës Themelore në Prishtinë.

Ndryshe, një vrasje e rëndë ka ndodhur më 26 mars në rrugën “Jeronim De Rada” në Prishtinë, si pasojë e një konfrontimi me armë zjarri mes dy grupeve. Nga konflikti mes dy grupeve ka humbur jetën edhe një grua, e cila ishte kalimtare rasti./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm