Google ADS

Vrasja e grave në Kosovë, Kurti: Tregojnë dështimet e sistemit gjyqësor e prokurorial

11:39 | 18 Prill 2024
K.B

Kryeministri i Kosovës, Albin Kurti në mbledhjen e sotme të Qeverisë foli për dy vrasjet që ndodhën brenda katër ditëve në Kosovë.

Ai tha se tha se ajo që ndodhi të premten dhe të martën, këto krime kundër grave tregojnë pasojat e ndëshkimeve të ulëta.

“Tregojnë dështimet e sistemit gjyqësor e prokurorial për vendosje të drejtësisë në shtetin tonë. Dënimet e mangëta janë shkelje mbi të drejtat e viktimave, këto të mbuluara me mungesën e llogaridhënies dhe transparencës në detyrë nga sistemi i drejtësisë nuk falen nga qytetarët tanë”, tha Kurti.

Tutje Kryeministri u shpreh se janë të vendosur të bëjnë çfarëdo që është e nevojshme që të mbrojnë jetën dhe të drejtën grave dhe të vajzave në Kosovë.

“Asnjë përpjekje nuk është shumë e madhe në këtë betejë thelbësore për dinjitetin dhe për barazinë”, përfundoi Kurti.

Ndryshe dje në Kosovë ishte ditë zie, për dy gratë që u vranë nga burrat e tyre./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm