Zëvendëskryeministri i Kosovës, Besnik Bislimi para takimeve në kuadër të dialogut në Bruksel, ka zhvilluar një vizitë zyrtare dyditore në Hungari.
Në kuadër të këtij vizite, Bislimi ka zhvilluar edhe disa takime me zyrtarë.
Bislimi përgjatë vizitave ka theksuar rëndësinë e thellimit të marrëdhënieve me Hungarinë.
Po ashtu, ai paraqiti të arriturat e qeverisë në këto tri vite si dhe objektivat në procesin e integrimit evropian.
“Përgjatë kësaj vizite theksuam rëndësinë e thellimit të marrëdhënieve me Hungarinë por edhe prezantuam të arriturat e qeverisjes sonë të tri viteve të fundit dhe objektivat veçanërisht në procesin e integrimit evropian, në prag të Presidencës së ardhshme të Hungarisë në Këshillin e BE-së.”, ka shkruar ai.
Njoftimi i plotë:
Para takimeve në kuadër të dialogut në Bruksel, në fillim të javës zhvilluam një vizitë zyrtare dyditore në Hungari, me plot takime të frytshme e ngjarje të rëndësishme.
U pritëm nga Ministri i Jashtëm dhe Tregtisë, Péter Szijjártó, nga Ministri për Çështje të Bashkimit Evropian, Janos Boka, nga Kryetari i Komitetit për Punë të Jashtme, Zsolt Nemeth, si dhe u nënshkrua Memorandumi i Bashkëpunimit ndërmjet Institutit të Kosovës për Administratë Publike dhe Universitetit të Shërbimeve Publike të Hungarisë, Ludovika.
Ndërsa ishte dhe kënaqësi e veçantë bashkëbisedimi i radhës me Institutin Hungarez të Çështjeve Ndërkombëtare (HIIA).
Përgjatë kësaj vizite theksuam rëndësinë e thellimit të marrëdhënieve me Hungarinë por edhe prezantuam të arriturat e qeverisjes sonë të tri viteve të fundit dhe objektivat veçanërisht në procesin e integrimit evropian, në prag të Presidencës së ardhshme të Hungarisë në Këshillin e BE-së./Arbresh.info/
Nis seanca plenare në Kuvend, mbahet një minutë heshtje në n...
Posta e Kosovës paralajmëron qytetarët për mashtrime me SMS:...
Granit Xhaka e Leverkuseni nisin sot aventurën në Champions ...
Putin: Rusia po rrit prodhimin e dronëve
I jepet lamtumira e fundit ish-deputetit, Gert Bogdanit
Caktohen gjyqtarët që do ndajnë drejtësinë në xhiron e gjash...