Vitia: Tani asnjë rast urgjent i pacientëve pediatrikë dhe onkologjik nuk qëndron në pritje

12:56 | 29 Gusht 2023
E.G

Ministri i Shëndetësisë, Arben Vitia ka thënë se në fillim të vitit 2023, QKUK kishte vetëm një rezonancë magnetike dhe lista e pritjes ishte deri në 1 vit.

Sipas tij, tani QKUK ka një rezonancë magnetike e tekonologjisë së fundit në spitalin e pediatrisë, është bërë funksionale edhe një rezonancë magnetike në Spitalin Rajonal të Pritjes dhe procesi për rezonancën magnetike në Spitalin e Prizrenit është në fazën përfundimtare, përcjell Arbresh.info.

Tutje Vitia tha se në gusht të vitit 2023, asnjë rast urgjent për pacientët pediatrikë dhe onkologjikë nuk qëndron në pritje, teksa shtoi se lista për rastet e tjera tashmë ka rënë në 4 muaj.

“Vazhdojmë së bashku me stafin mjekësor punën për transformimin e shërbimeve mjekësore për qytetarët tanë.
Sfidat janë të shumta, por edhe më të mëdha janë dhe përpjekjet.”, shkroi ministri Vitia./Arbresh.info.

 

Shpërndaje në rrjete sociale

Lajmet më të lexuara

Të ngjashme

Foto lajm