Google ADS

Vitia: Për 50 ditë kemi bërë më shumë sesa për pesë muaj që ka bërë Qeveria Hoti

19:23 | 17 Maj 2021
Përparim Bublaku

Ministri i Shëndetësisë, Arben Vitia, ka deklaruar se Kosova është vonuar që të nisë negocimin për sigurimin e vaksinave duke iu referuar qeverisë paraprake.

Ai duke folur për punën në sigurimin e vaksinës anti-Covid-19, ka thënë se Qeveria Kurti ka bërë punë më shumë gjatë kësaj kohe se Qeveria Hoti për 5 muaj.

“Ju garantoj se këto vonesa disamujore kanë shtuar dinamikën dhe për 50 e sa ditë të Qeverisë Kurti është bërë më shumë se për pesë muaj të qeverisë paraprake”.

Vitia në kuvend është shprehur se hap i domosdoshëm dhe urgjent është sigurimi i vaksinave.

“Procesi do të mbulojë 60 përqind të qytetarëve deri në fund të vitit 2021. Janë duke u garantuar udhërrëfyesit dhe protokollet për COVID-19”.

Ai duke folur për planet në sektorin e Shëndetësisë, ka thënë se do ta finalizojnë edhe Spitalin e Prishtinës.

Ndërsa, ish- ministri Armend Zemaj ka thënë plani I Qeverisë është pandonjë specifikë.

Kritika ka dhënë edhe deputeti i PDK-së, Bekim Haxhiu./ arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm