Një përleshje fizike ka ndodhur mesditën e sotme në Fushë Kosovë, ndërmjet Policisë dhe disa qytetarëve. Derisa Policia ka ndalur qytetarët, këta të fundit kanë sulmuar zyrtarët policorë,
Express ka siguruar një video nga vendi i ngjarjes, ku shihet se qytetarët kanë sulmuar fizikisht zyrtarët policorë.
Ndërkohë zëdhënësja e Policisë për rajonin e Prishtinës, Flora Ahmeti tha për portalin arbresh se si pasojë e përleshjes fizike, policia ka shtënë me armë zjarri në drejtim të qytetarëve të përfshirë në këtë rast, ku njëri ka mbetur i plagosur.
Për këtë rast, deri më tani policia ka arrestuar dy të dyshuar.
“Sot rreth orës 14:00, policia ka marrë informacionin për një sulm ndaj personave zyrtar në rrugën e Pejës në Fushë Kosovë. Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore, të mbështetura edhe nga njësiti rajonal për hetimin e krimeve si dhe njësitë e tjera për ekzaminim të vendngjarjes. Bazuar në të dhënat fillestare një person ka pësuar lëndime trupore nga arma e zjarrit ndërsa nga përleshja fizike lëndime trupore kanë pësuar 5 persona prej tyre dy zyrtarë policor. Të gjithë janë dërguar për trajtim mjekësor”, ka deklaruar ajo./arbresh.info/
Digjen orët e rrymës në një ndërtesë në Fushë Kosovë
Lushtaku: Me mbështetjen e qytetarëve dhe mërgatës tonë, PDK...
Zyrtarët e lartë amerikanë vizitë pa paralajmërim në Beograd...
Barcelona deklason Sevillën para ndeshjes me Real Madridin
Truku për pastrimin e radiatorëve: Do të hiqni të gjithë plu...
Inter arkëton tre pikë të mëdha në udhëtim tek Roma