Kryesia e Kuvendit as të hënën nuk vendosi se kur do të dërgohet për votim demarkacioni në Kuvendin e Kosovës. Arsyeja doli të jetë mungesa e konsensusit ndërmjet partive politike për këtë temë.
Mirëpo, kjo situatë nuk ka bërë që Lëvizja Vetëvendosje të ndryshojë mendim.
Deputetët e kësaj partie vazhdojnë të jenë kundër votimit të kësaj marrëveshje.
Deputetja e VV-së, Drita Millaku, në një prononcim për Indeksonline ka thënë se qëndrimi i tyre vazhdon të jetë si ka qenë në fillim.
Sipas saj, raporti i sjellë për demarkacion nuk ka qenë i mjaftueshëm që këta deputetët të ndërrojnë mendje.
“Sa i përket marrëveshjes së demarkacionit na e kemi dhënë qëndrimin tonë si Vetëvendosje disa herë. Qëndrimi është unanim i të gjithëve pa përjashtim dhe nuk lëvizim nga ky qëndrim që e kemi dhënë qysh në fillim. Nuk ka asnjë ndryshim sa i përket kësaj çështje brenda Lëvizjes Vetëvendosje. Në çfarë forme tjetër mundemi me vepruar, mbetet me u pa, mirëpo me këtë raport që na e kanë sjellë, nuk kemi lëvizur nga qëndrimi i mëhershëm”, ka thënë Millaku.
Demarkacioni vazhdon të jetë kusht për liberalizimin e vizave.
Ndërsa, zëvendëskryeministri Behgjet Pacolli ditë më parë ka thënë se nëse demarkacioni kalon gjatë muajit shkurt, atëherë Kosova do të pajiset me viza gjatë verës së këtij viti.
Ushqimet e duhura për të shmangur ftohjen
Alexander-Arnold i përgjigjet raportimeve se po synon blerje...
Votimi për presidencialet e nëntorit/ SHBA, hapen zyrtarisht...
Taulant Xhaka paralajmëron rikthimin e vëllaut të tij tek Ba...
Moti i ligë në Tetovë – Shtëpi dhe oborre të përmbytura
OKB: Armëpushimi në Gaza, prioritet absolut dhe urgjent