Sekretarja organizative e Lëvizjes Vetëvendosje, Vlora Haxhimehmedi ka njoftuar se është shtyrë protesta e aktivistëve të kësaj partie dhe e qytetarëve, e cila ishte paralajmëruar për të shtunën, kundër mbajtjes eventuale të seancës së jashtëzakonshme të Kuvendit të Kosovës për formimin e qeverisë së re.
Ajo ka bërë të ditur se anulimi i protestës është bërë pas vendimit të Gjykatës Kushtetuese të Kosovës që të pezullojë deri më 29 maj zbatimin e dekretit të Presidentit Hashim Thaçi që kandidatit të Lidhjes Demokratike të Kosovës, Avdullah Hoti, i jep mandat të formojë qeveri të re.
“Tash e disa javë është bërë presion i madh nga aktivistë e qytetarë për të dalë në protesta. Kjo u shtua sidomos dje pas paralajmërimit për seancë të jashtëzakonshme për të shtunën me 2 maj. Mirëpo, masa e përkohshme e vendosur nga Gjykata Kushtetuese sot, sigurisht se e shtynë protestën. Ndërkohë, puna e përditshme dhe përgatitjet tona vazhdojnë”, ka shkruar Haxhimehmedi në një postim në Facebook.
Protesta ishte paralajmëruar të mbahej para Kuvendit të Kosovës, për të penguar mbajtjen e seancës së jashtëzakonshme për votimin e qeverisë së re.
Kërkesa për seancë është bërë nga Lidhja Demokratike e Kosovës, e cila ka thënë se e ka siguruar shumicën e nevojshme në kuvend për formimin e qeverisë së re.
Osmani nderon Walkerin me Urdhrin e Lirisë & Pavarësisë
“Kurti u pajtua me skandalet dhe dështimet e ministrave të t...
Kthehen mbrapsht emigrantët, mbërrin në Shëngjin anija itali...
Kroos tregon tre lojtarët që e meritojnë ta fitojnë Topin e ...
Izraeli do ta ketë të pamundur ta eliminojë, kush mund të je...
Këta janë banorët që u bënë pjesë e Big Brother Vip Kosova 3