Kryetari i Kuvendit, Kadri Veseli, në Ditën e Lirisë së Shtypit është shprehur se zhvillimi i mediave në Kosovë është një histori suksesi, si dhe liria e plotë e tyre është shumë e rëndësishme për Kosovën.

Veseli shkruan në Facebook se Kuvendi i Kosovës do të jetë gjithmonë i hapur për gazetarët, ku edhe bëri të ditur që në bashkëpunimme AGK-në është hartuar rregullorja për rendin dhe qasjen e mediave dhe publikut në punën e Kuvendit.

Ky është statusi i plotë i Veselit në Facebook:

“Zhvillimi i mediave në Kosovë është një histori suksesi dhe liria e plotë e tyre është tejet e rëndësishme. Kuvendi i Kosovës do të jetë përherë i hapur për gazetarët. Këto ditë, në bashkëpunim me Asociacionin e Gazetarëve të Kosovës dhe NDI, kemi hartuar edhe Rregulloren për rendin dhe qasjen e mediave dhe publikut në punën e Kuvendit – e cila do të mundësojë rritjen e mëtejme të transparencës. Liria e Fjalës është një ndër shtyllat themelore të shoqërisë demokratike që synojmë të ndërtojmë. Këtë vlerë do ta mbrojmë e promovojmë”