Kryetari i Partisë Demokratike të Kosovës, Kadri Veseli, ka thënë se propozimet e mangëta të qeverisë nuk po ndihmojnë sektorin privat dhe të punësuarit e këtij sektori.

Këto komente ai i bëri gjatë vizitës së tij nëpër bizneset e Prizrenit të cilat janë prekur nga Pandemia.

Gjatë kësaj vizite, Veseli ka theksuar edhe njëherë se propozimet e mangëta të qeverisë nuk po ndihmojnë sektorin privat dhe të punësuarit e këtij sektori.

Kreu i PDK-së, ka thënë se është për keqardhje që bizneset të cilat po vuajnë nga kriza e shkaktuar prej pandemisë, nuk po kanë ndihmë konkrete dhe subvencione të ndryshme dhe fonde direkte.

“PDK-ja është mbështetëse e bizneseve. Qeveria duhet të reflektoj sa më parë dhe të marrë parasysh edhe propozimet tona. Duhet sa më shpejtë të kemi një ndihmë të drejtpërdrejt të bizneseve. Buxheti i Republikës së Kosovës duhet të shpërndahet sa më parë si ndihmë për sektorin privat. Duhet të ketë lehtësira fiskale dhe subvencione të shumta”, ka thënë Veseli.

Më tutje, ai ka shtuar se 286 mijë punëtorët e sektorit privat janë fuqia kryesore punëtore në Kosovë dhe shtetit është duke dështuar që t’u dalë në ndihmë kur ata kanë më së shumti nevojë.

Pronari i kompaninë “Burak Automotive”, Ediz Cabrati ka falënderuar Veselin për vizitën e tij në Prizren. “Është një vizitë mëse e mirëseardhur në këtë periudhë të vështirë për bizneset. E falënderojmë shumë për mbështetjen kryetarin Veseli dhe shpresojmë që sa më parë të kalojmë këtë situatë.”, ka thënë ai.

Postimi i plotë