Kryetari i Kuvendit, Kadri Veseli ka kujtuar protestën e studentëve të 11 marsit të vitit 1981.
Veseli, përmes një statusi në Facebook ka thënë se kjo protestë e fuqizoi përfundimisht realitetin se Kosova nuk ishte një entitet gjeografik siç dëshironte ta shihte politika jugosllave, shkruan Arbresh.info.
Lexoni të plotë statusin e tij:
Protesta e studentëve e 11 marsit të vitit 1981, nuk ishte vetëm simbolikë e shprehjes së pakënaqësive me gjendjen e përgjithshme sociale e politike të shoqërisë kosovare, por ka një domethënie historike që nuk mund të anashkalohet.
Ajo e fuqizoi përfundimisht realitetin se Kosova nuk ishte një entitet gjeografik siç dëshironte ta shihte politika jugosllave, por një entitet tërësisht politik, çështja e së cilës do të duhej të shtrohej për një zgjidhje përfundimtare dhe se kundër këtij fakti nuk kishte asnjë alternativë konformiteti.
Sot, 37 vite më pas, kur Republika e Kosovës është shtet i pavarur dhe sovran, duhet t’i nderojmë dhe kujtojmë me konsideratë të lartë të gjithë ata protestues, studentë e qytetarë, të cilët e patën një vizion të tillë dhe që me mund e sakrificë vulosën të ardhmen e pa kompromis drejt lirisë dhe pavarësisë së vendit.
Tash, garancia e këtyre përpjekjeve është rinia e Republikës së Kosovës, janë qytetarët e saj të cilët çdo ditë forcojnë integritetin e lirisë dhe i japin kuptim ndërtimit të shtetit demokratik.
Ky vizion duhet të na përcjellë edhe më tutje, veçmas tani kur kemi hyrë në Dekadën e Re, dekadën e besimit në vlerat demokratike, dekadën e zhvillimit dhe mirëqenies, dekadën e integrimit në familjen evropiane./Arbresh.info
Pamje brenda dasmës madhështore të Dafinës me Kreshnikun
Sfida e buxhetit, banorët duhet të kapin peshqit në akuarium
5 të vrarë nga sulmet me raketa në Ukrainën qendrore dhe në ...
Hidhet granatë në shtëpinë e polices serbe në Zveçan
Hamza në Suharekë: Do të jemi përkrah cdo qytetari, do t’ua...
Bashkimi i pathyeshëm, mposht Pejën në “Karagaçi”