Kryetari i Kuvendit të Kosovës, njëherësh lider i PDK-së, Kadri Veseli, ka dalë me propozim që Rruga B në Prishtinë të mbajë emrin e senatorit amerikan John McCain, i cili javën e kaluar ndërroi jetë.
Kryeparlamentari Veseli ka thënë se para luftës, gjatë luftës, në ndërtimin e paqes dhe shpalljen e pavarësisë, senatori McCain mbështeti pandërprerë Kosovën.
“Ata që na u gjetën pranë në kohë të vështira, duhet gjithmonë t’i mbajmë pranë, në zemrat, shtëpitë dhe rrugët tona”, ka shkruar Veseli në faqen e tij në Facebook.
Statusi i plotë i kryetarit Veseli:
Javën që shkoi, Kosova humbi një prej miqve më të mëdhenj të lirisë dhe pavarësisë së saj, senatorin amerikan John McCain. Para luftës, gjatë luftës, në ndërtimin e paqes dhe shpalljen e pavarësisë, senatori McCain mbështeti pandërprerë Kosovën. Ne kurrë nuk do ta harrojmë këtë mbështetje. Në nderim të kujtimit të tij, propozoj që Rruga B, në kryeqytetin e shtetit tonë, në Prishtinë, të mbajë emrin e John McCain. Ata që na u gjetën pranë në kohë të vështira, duhet gjithmonë t’i mbajmë pranë, në zemrat, shtëpitë dhe rrugët tona.
FC Besa Peja ankohet në referim pas barazimit ndaj Drenicës
Nesër mblidhet Kryesia e Kuvendit, në rend dite përgjimet e ...
Biblioteka Kombëtare e Kosovës dhuron nesër libra për mbi 30...
Mbi 50 projektligje rrezikojnë të kthehen në pikën zero nëse...
Përmbysje rezultatesh, tetë gola të realizuar/ Mbyllet pa fi...
Çeku: Në Prizren gjatë këtij mandati kemi investuar mbi 4.5 ...