Veseli nënshkruan vendimin për statutin e Trepçës (Dokument)

15:33 | 6 Shkurt 2019
Arbresh.info

Kryetari i Kuvendit të Kosovës, njëherësh lider i koalicionit qeverisës, Kadri Veseli, ka nënshkruar sot vendimin e miratuar nga Kuvendi i Kosovës për statutin e Trepçës.

Ky vendim i nënshkruar nga Kryeparlamentari Kadri Veseli rikonfirmon pronësinë 100 përqind të Republikës së Kosovës në kombinatin më të madh metalurgjik në Kosovë, Trepça, e cila tani e tutje do të jetë Shoqëri Aksionare me aksione 100 përqind të Republikës së Kosovës.

Një ditë më parë, është diskutuar për idenë e Serbisë se për Trepçën mund të diskutohet në dialogun final Kosovë-Serbi por reagimi ndaj kësaj teme ka qenë i ashpër nga Kryeparlamentari Kadri Veseli.

“Trepça, as nuk ka qenë, as nuk është dhe as nuk do të jetë çështje e hapur në dialogun me Serbinë. Me këtë gjuhë, BE është duke e rrënuar çdo perspektivë të dialogut dhe fqinjësisë së mirë. Trepça është e drejtë natyrore e shtetit të Kosovës. Sot dhe përgjithmonë”, ka thënë Veseli.

Shpërndaje në rrjete sociale

Lajmet më të lexuara

Të ngjashme

Foto lajm