Google ADS

Veseli dhe Jamie Shea flasin për anëtarësimin e Kosovës në NATO

14:53 | 24 Tetor 2017
Arbresh.info

Kryeparlamentari Kadri Veseli, ka pritur sot në takim zëvendësndihmësin e Sekretarit të Përgjithshëm të NATO-s, Jamie Shea.

Veseli e ka falënderuar ish-zëdhënësin e NATO-s gjatë intervenimit të Aleancës Veriatlantike në kohën e luftës në Kosovë për angazhimin e treguar dhe kontributin e dhënë, shkruan arbresh.info.

Kreu i kuvendit po ashtu, ka falënderuar Aleancën Veri-Atlantike për ndihmën e dhënë për qytetarët, si dhe për mbështetjen që vazhdon ta japë për Kosovën, sidomos për ngritjen e kapaciteteve të plota për transformimin e Forcës së Sigurisë së Kosovës në Ushtri.

Kurse Zëvendës-Ndihmësi i Sekretarit të Përgjithshëm të NATO-s, Jamie Shea, pasi ka falënderuar kryeparlamentarin Veseli për pritjen, ka vlerësuar lart të arriturat e shtetit të Kosovës.

Ai është shprehur i kënaqur me përparimet në Kosovë dhe ka shprehur besimin se vendi është në rrugën e drejtë për t’u anëtarësuar në NATO./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm