Vërshime në disa zona të Kosovës

14:38 | 26 Janar 2021
V. S.

Në disa rajone të Kosovës janë regjistruar vërshime si pasojë e reshjeve të borës dhe shiut.

Komuna e Malishevës përmes një postimi në rrjetin social Facebook ka njoftuar se Lumi Mirusha përsëri ka dalë nga shtrati, ndërsa dy ura janë të mbuluara me ujë.

“Është rritur niveli i ujit në lumin Mirusha dhe në rrjedhat tjera të ujërave, duke shkaktuar daljen nga shtrati të lumit, kryesisht në prona bujqësore, por edhe në rrugë dhe si pasojë rruga Mirushë-Gurbardh është bllokuar, dhe vështirësi ka edhe në akset rrugore Malishevë-Kijevë, Malishevë-Banjë dhe Turjakë-Bubël, ndërsa rrugët në malet e Berishës, janë të kalueshme, pasi është larguar bora nga rrugët”, thuhet në njoftim.

Sipas njoftimit një pjesë e lagjeve “Shala” dhe “Tovërlanët” është vërshuar si pasojë e ngushtimit të shtratit të një përroske.

Në fillim të muajit janar, disa rajone në Kosovë u vërshuan si pasojë e reshjeve të shumta.

Shpërndaje në rrjete sociale

Lajmet më të lexuara

Të ngjashme

Foto lajm