Google ADS

“Veprime jo të mençura përpjekjet e deputetëve të caktuar për shfuqizimin Speciales”

20:57 | 25 Dhjetor 2017
Arbresh.info

Kryetari i Lidhjes Demokratike të Kosovës, Isa Mustafa, i ka quajtur të pamatura dhe jo të mençura përpjekjet e deputetëve të caktuar të Kuvendit të Kosovës për shfuqizimin e Ligjit për Gjykatën Speciale.

“Ishin veprime të pamatura mirë, jo të mençura. Nuk duhet të hyjmë në veprime të tilla”, ka thënë Mustafa, gjatë një interviste në Radio Televizionin e Kosovës.

Ai ka deklaruar se duhet të punohet “që drejtësia të zbardhet”, dhe se “njerëzit duhet të përgjigjen nëse kanë bërë veprime”.

“Nuk do të doja që akuzat e bëra ndaj njerëzve tanë të dalin të vërteta”, është shprehur Mustafa.

“Ka edhe akuza absurde, që kemi dëgjuar”, ka shtuar udhëheqësi i LDK’së.

Mustafa ka thënë se drejtësia ndërkombëtare është e pashmangshme. “Kësaj nuk mund t’i iket”, është shprehur ish-kryeministri i vendit.

 

Shpërndaje në rrjete sociale

Lajmet më të lexuara

Të ngjashme

Foto lajm