Në pjesën veriore të Mitrovicës, afër urës së Ibrit, janë shfaqur grafite të reja.
Lajmin për Arbresh.info e ka konfirmuar shefi i operativës rajonale për Mitrovicën e Veriut, Petrit Fejza.
“Një grup i grave i ka vendosur këta postera, janë vendosur në disa vende në Mitrovicë të Veriut, si një lloj aksioni ose proteste e tyre”, tha Fejza.
Këto grafite ilustrojnë Policinë e Kosovës dhe Lëvizjen Vetëvendosje kinse duke monitoruar fëmijët dhe produktet serbe.
Në fotografitë e publikuara të posterave, shfaqet një pjestar i Policisë së Kosovës, një pastruese me logon e Vetëvendosjes që po fsheh ‘Plazma’, dhe një huligan që mban një ‘Plazma’ në dorë.
Këto postera u vendosën disa ditë pas vendimit të Qeverisë së Kosovës për të ndryshuar rregullat e hyrjes së mallrave serbe në vend. Qeveria vendosi që në pikën kufitare të Merdarës të lejohet hyrja e mallrave serbe, por me kontrolle të rrepta përmes skanerëve.
Megjithatë, ndryshe nga Merdara, në pikat e tjera kufitare hyrja e mallrave serbe vazhdon të jetë e ndaluar./Arbresh.info
Begaj viziton arbëreshët e Italisë: Do të mbetet një kujtim ...
Ancelotti tregon haptas se a do të bëjë Real Madridi ndonjë ...
“Trepça” dërgon padi ndaj një ish-punëtori, thot...
Vrasja e kreut të Hamasit, reagon Hezbollahu: Do ta përshkal...
Ursula von der Leyen javën tjetër në Kosovë
Mucunski-Drexel: Maqedonia e Veriut është e përkushtuar në p...