Veliu i lumtur për nisjen e punimeve për ujësjellësin në Orllan

15:38 | 7 Gusht 2019
Arbresh.info

Kryetari i komunës së Podujevës, Agim Veliu është shprehur i lumtur për fillimin e punimeve për ndërtimin e rrjetit të ujësjellësit për banorët e fshatit Orllan.

Veliu përmes një postimi në facebook ka shkruar se ky projekt është jetik për banorët, shkruan arbresh.info

I pari i Podujevës ka shtuar gjithashtu se ky projekt do të realizohet në bashkëfinancim.

“Jam shumë i lumtur që sot, bashkë me ministrin Fatmir Matoshi, drejtorin Ujësjellësit, Ilir Abdullahu, përfaqësues dhe banorë të fshatit Orllan, bëmë përurimin e fillimit të projektit për ndërtimin e rrjetit të ujësjellësit për banorët e fshatit Orllan dhe fshatrave të tjera të asaj zone.

Ky projekt me rëndësi jetike për banorët e asaj zone po realizohet në bashkëfinancim të Komunës së Podujevës, Ministrisë së Mjedisit dhe Planifikimit Hapësinor dhe Ujësjellësit Rajonal “Prishtina”, ka shkruar Veliu./Arbresh.info/

Lexo edhe: Orllani do të bëhet me ujë të pijshëm

Shpërndaje në rrjete sociale

Lajmet më të lexuara

Të ngjashme

Foto lajm