Vela i reagon Vuçiqit: Koha kur Beogradi ka vendosur për Kosovë ka kaluar

20:53 | 3 Prill 2023
Emir Abduramani

Presidenti serb, Aleksandar Vuçiq, ka lëshuar një deklaratë ku tha se me tandemin Kurti – Osmani në Kosovë, është vështirë të arrihet marrëveshja Kosovë – Serbi.

Për këtë ka reaguar shefi i kabinetit të presidentes Osmani, Blerim Vela, i cili ka thënë se Vuciqi dëshiron ta ketë një udhëheqësi tjetër në Kosovë për ta arritur marrëveshjen, por koha kur ai ka vendosur për Kosovën, sipas Velës ka kaluar.

“Vuçiq aludon se me një lidership tjetër në institucionet e Kosovës, ai do të mund ta arrinte normalizimin. Megjithatë, koha kur Beogradi vendoste se kush drejtonte institucionet e Kosovës ka kaluar”, ka shkruar Vela.

Tutje, ai ka theksuar se përpjekjet e tij dhe Radojciqit për destabilizim të Kosovës do pengohen.

“Përpjekja e Vuçiqit dhe Radoiçiqit për të destabilizuar institucionet e Kosovës do të pengohet dhe ndalet”, ka shtuar ai./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm