Google ADS

Vdes një i burgosur në Spitalin e Gjilanit, po trajtohej për probleme me zemër

23:35 | 21 Gusht 2024
E.G

Një i burgosur ka vdekur në Spitalin Rajonal të Gjilanit.

Kështu ka bërë të ditur Shërbimi Korrektues i Kosovës me anë të një njoftimi në Facebook.

Sipas SHKK-së, ka pasur probleme shëndetësore dhe për një kohë të gjatë është trajtuar edhe brenda Qendrës së Paraburgimit në Gjilan.

“Shërbimi Korrektues i Kosovës dhe Departamenti Shëndetësor i Burgjeve njoftojnë opinionin publik se sot, në Spitalin Rajonal të Gjilanit, ka ndërruar jetë i burgosuri A.F. I ndjeri, po trajtohej për një kohë të gjatë në Stacionarin Shëndetësor të Qendrës së Paraburgimit Gjilan për probleme kardiologjike paraprake, ai kishte të vendosura stenta dhe ishte nën mbikëqyrjen e kardiologëve, duke u trajtuar sipas rekomandimeve të tyre.”, thuhet në njoftim.

“Organet kompetente janë duke zhvilluar procedurat ligjore të nevojshme, ndërsa autopsia do të përcaktojë shkakun e saktë të vdekjes.”, thuhet në njoftimin e Shërbimit Korrektues i Kosovës./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm