Vdes një 71 vjeçar në Suharekë, dyshohet se ra nga një pemë

23:42 | 10 Dhjetor 2023
E.G

Një 71 vjeçar ka humbur jetën aksidentalisht sot në fshatin Mushtisht të Suharekës.

Lajmin për Arbresh.info e ka konfirmuar zëdhënsi i policisë për rajonin e Prizrenit, Shaqir Bytyqi.

Sipas tij, dyshohet se viktima R.B, e ka humbur jetën aksidentalisht, pasi ka rënë nga një pemë, prej një lartësie 2-3 metra.

“Sot me datë 10.12.2023, rreth orës 11:00 nga emergjenca në Suharekë është raportuar për një vdekje aksidentale. Policia sapo e ka marr informtën ka shkuar ne drejtim të vendit të ngjarjes, incidenti kishte ndodhur në fshatin Mushtishtë, KK Suharekë. Dyshohet se viktima R.B. 71 vjeç ka rënë nga një pemë , nga lartësia 2-3 metra , me atë rast nga lëndimet e marra ka ndërruar jetë.”, ka thënë Bytyqi.

Lidhur me rastin është hapur rast “Vdekje aksidentale”.

Bytyqi bën të ditur se me urdhër të prokurorit përgjegjës trupi i pa jetë i është dorëzuar familjarëve./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm