Vdes një 61 vjeçar në një motel në Ferizaj, policia jep detaje

21:28 | 15 Shkurt 2024
R J

Gjatë ditës së sotme është raportuar se një person i moshës 61 vjeçare ka ndërruar jetë në një motel në Ferizaj.

Zëdhënësi i Policisë në Ferizaj, Kanun Veseli e ka konfirmuar lajmin për Arbresh.info, ku sipas tij personi që ka ndërruar jetë është shtetas i Maqedonisë së Veriut.

Ndërsa ka bërë të ditur se trupi i pajetë është dërguar në Institutin e Mjekësisë Ligjore në Prishtinë për obduksion.

“Më datën 15.02.2024, rreth orës 16:35 kemi pranuar një informatë se në rrugën magjistrale Ferizaj-Prishtinë, në një motel në Ferizaj, një person, mashkull, i moshës 61 vjeçar, shtetas i Maqedonisë së Veriut është gjetur pa shenja jete, vdekja e të cilit është konfirmuar nga mjekët kujdestar. Policia ka dalë në vendin e ngjarjes, ndërsa me vendim të prokurorit kujdestar, trupi i pajetë është dërguar në Institutin e Mjekësisë Ligjore në Prishtinë për obduksion. Rasti është cilësuar ” Hetim mbi vdekjen”, tha ai./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm