Senatori amerikan, Joe Lieberman, ka vdekur në moshën 82 vjeç të mërkurën.
Lajmi i hidhur u konfirmua nga familjarët e tij.
“Ish-senatori i SHBA-së Joseph I. Lieberman ka vdekur këtë pasdite, më 27 mars 2023, në New York City për shkak të disa komplikimeve nga një rrëzim. Ai ishte 82 vjeç. Bashkëshortja e tij e dashur, Hadassah, dhe anëtarët e familjes ishin me të në momentet e fundit. Dashuria e senatorit Lieberman për Zotin, familjen e tij dhe Amerikën e përcolli përgjatë gjithë jetës që shërbeu në interesin e publikut”, ka shkruar familja e tij.
Ai vizitoi edhe Kosovën në vitin 2007. Gjatë vizitës, senatori Joe Lieberman mes tjerash shprehej se “Shtetet e Bashkuara të Amerikës nuk do t’ia kthejnë shpinën Kosovës”.
Si demokrat pati rol edhe në grumbullimin e republikanëve në mbështetjen e veprimeve ushtarake në Kosovë në vitin 1999 kundër forcave serbe. Lieberman ishte i nominuari i Partisë Demokratike për zëvendëspresident në zgjedhjet e vitit 2000, të cilat u fituan nga republikani Xhorxh W. Bush.
Funerali i Lieberman u caktua për të premten në qytetin e tij të lindjes, Stamford, Connecticut./abcnews.al
IHMK paralajmëron përmbytje të mundshme në disa vende
Baerbock, Gjuriqit: Normalizimi me Kosovën, kyç në rrugën dr...
Izraeli: 180 raketa të lëshuara nga Irani, shumica u rrëzuan...
Federata angleze merr vendim për kartonin e kuq të Brunos në...
Kurti takoi kongresistin amerikan Jason Crow, e fton për viz...
Sulmi iranian ndaj Izraelit/ Iraku, Jordania dhe Libani mbyl...