Google ADS

Vdekja e shqiptarit në burgun francez, avokati shpreh pakënaqësi për hetimet

13:09 | 26 Dhjetor 2021
A. B.

Një shqiptar 29 vjeç i dënuar disa herë për vjedhje ishte gjetur i vdekur në qelinë e një burgu francez, para disa ditëve.

Tch duke iu referuar medias franceze raporton se Refik Mata mbrëmjen e 17 dhjetorit u gjet i vdekur në burgun e Nices.

Për këtë ngjarje është hapur një hetim penal në gjetjen e shkakut të vdekjes.

Sipas prokurorëve francez deri më tani dyshohet për një vetëvrasje.

Me Julie Boano, avokat i Refik Matës ka shprehur dyshime për shkakun e vdekjes dhe e ka quajtur hetimin si një lëmsh të vërtetë.

“Për gjashtë muaj me radhë unë kam raportuar se klienti im ishte në një gjendje aspak të mirë. Në 7 tetor patëm një debat pak përpara dhënies nga gjykata të masës së dënimit. Kur klienti im erdhi në gjykatë e kishte fytyrën të ënjtur e me shenja. Prokurorët më siguruan se do të nisnin një hetim por nuk më sollën asnjë përgjigje” ka deklaruar avokati Me Julie Boano.

Shpërndaje në rrjete sociale

Lajmet më të lexuara

Të ngjashme

Foto lajm