Google ADS

Vdekja e Jeff Bieley, Osmani: Kosova humbi një mik të madh, e ndihmoi vendin të bëhet demokraci

23:06 | 23 Korrik 2024
E.H

Presidentja e vendit, Vjosa Osmani ka thënë se sot vajtojmë për humbjen e mikut të madh të Kosovës, Jeff Bieley.

Osmani tha se Jeff për më shumë se dy dekada ia kushtoi punës për ndërtimin e miqësive me Kosovën dhe për të ndihmuar vendin të bëhet një demokraci elastike, përcjell Arbresh.info.

“Sot vajtojmë humbjen e një miku të madh të Kosovës, Jeff Bieley. Për më shumë se dy dekada, Jeff ia kushtoi punën e tij ndërtimit të miqësive dhe lidhjeve të qëndrueshme me Kosovën dhe për të ndihmuar vendin tonë të bëhet një demokraci elastike. Trashëgimia e tij e mirësisë dhe përkushtimit do të vazhdojë. Pusho në paqe, Jeff”, ka shkruar Osmani në platformën X.

Bieley ka qenë zëdhënës i OSBE-së, këshilltar i Përfaqësuesit Special të Sekretarit të Përgjithshëm (PSSP), zv. Shef i ICO-s për veriun, shef i Zyrës Politike të OSBE-së në Kosovë ndërsa pas luftës, ai ka punuar si gazetar dhe reporter për mediat ndërkombëtare./Arbresh.info

Shpërndaje në rrjete sociale

Të ngjashme