Komandanti i KFOR-it, Michele Risi, dhe ambasadori i Republikës së Italisë në Kosovë, Nicola Orlando vizituan sot Shërbimin Spitalor të Klinikës Universitare të Kosovës (SHSKUK).

Për t’i pritur ata, në SHSKUK ishin edhe kryeministri, Avdullah Hoti e ministri i Shëndetësisë, Armend Zemaj, raporton arbresh.info.

Kryeministri Hoti falënderoi qeverinë italiane dhe ambasadorin italian për dërgimin e ekipit të mjekëve italian që shërbyen dhe vazhdojnë të shërbejnë në Kosovë gjatë kohës së pandemisë.

Hoti, tha se ka pranuar një raport rreth vlerësimit të situateës pandemike nga mjekët italian, të cilët kanë qëndruar në Kosovë.

“Përfundimisht e kemi situatën nën kontroll, mirëpo kjo nuk na liron neve nga puna e përditshme që kemi. Do të jemi të kujdesshëm në rishikimin e masave që janë tani. Kishim një takim me ambasadorin italian dhe komandantin e KFOR-it dhe mjekët italian që shërbyen në Kosovë. Mjekër që kanë qëndrua në Kosovë kanë bërë vlerësim të situatës dhe morëm një raport nga ta. Italia është vendi ku mund të mësojmë si të menaxhojmë me pandeminë” , u shpreh Hoti.

Ambasadori italian në Kosovë Nicola Orlando tha se misioni më i madh i mjekëve italian u dërgua në Kosovë.

“Misioni i mjekëve këtu është misioni më i madh që mjekët e Italisë janë duke e bërë jashtë Italisë. Ekipi mjekësorë është i përberë nga të gjitha njësitet e forcave italiane dhe do të qëndroj edhe disa ditë në vend”, u shpreh ambasadori Orlando.

Ai u shpreh se i vlerësojnë masat e vendosura nga qeveria e Kosovës të cilat sipas tij kanë pasur sukses.

Komandanti i KFOR-it,  Michele Risi tha se kanë kërkuar ndihmë nga shtetet anëtare.

“Sfidat e paraqitura nuk kanë qenë sfidat që zakonisht KFOR-i merret. Pikërisht për këtë kemi kërkuar ndihmë nga vendet anëtare dhe shteti italian ka dërguar stafin mjekësorë këtu, “tha komandanti i KFOR-it./arbresh.info/

https://www.facebook.com/arbresh.info/posts/3511363758928691