Vakat: Kandidatët shqiptarë të hiqen nga partitë boshnjake

14:58 | 22 Maj 2017
Arbresh.info

Koalicioni VAKAT, pas publikimit të kandidatëve për deputetë në listën zgjedhore në Komisionin Qendror të Zgjedhjeve (KQZ), dhe verifikimi i faktit që në listën e koalicionit SDA-BSDAK, nga ana e Numan Baliq dhe Hilmo Kandiq, të paraqitura për vendet e garantuara ne Kuvend për komunitetin boshnjak, janë të përfshirë shumë pjesëtar të nacionalitetit shqiptar.

Vakat bën të ditur se është ankuar edhe në KQZ, tek presidenti i Kosovës, OSBE-ja dhe ambasadat me kërkesë që listat e këtilla të përjashtohen në përgjithësi apo të paktën nga ato të shkarkohen personat që i takojnë nacionalitetit shqiptar.

“Me këtë akt të Numan Baliqit me bashkëpunëtorin e vet, pasi që është përjashtuar nga shumica e popullit boshnjak të Kosovës – për të këqijat që i ka shkaktuar 17 vite me radhe, qëllimisht dhe drejtpërdrejt shkatërron sistemin e përfaqësimit të komuniteteve joshumicë në Kosovë në vendet e tyre të garantuara, ku për komunitetin boshnjak në Parlament janë tri vende. Ftojmë njerëzit e nacionalitetit shqiptar të listës SDA-BDSK të tërhiqen nga lista, që mos të lejojnë të jenë të keqpërdorur nga këta dy persona të cilët veç i kanë shkaktuar shumë dëme në marrëdhëniet shqiptaro-boshnjake e sidomos boshnjakëve në marrëdhëniet me bashkësinë ndërkombëtare”, thuhet në reagim.Ne jemi të vetëdijshëm se shumica e madhe e shqiptarëve nuk kanë asgjë kundër neve, njëjtë sikurse ne që nuk kemi asgjë kundër tyre, sepse ne bashkërisht po e ndërtojmë shtetin tonë të Kosovës”, thuhet në reagim.

Vakat bën të ditur se nëse e nuk mirret vendim i drejtë në KQZ, që nga ajo listë e kandidatëve te SDA-BSDK të shkarkohen personat e komunitetit shqiptar, do t’i drejtohen me padi Gjykatës së Lartë dhe Gjykatës Kushtetuese të Kosovës.

Lista e SDA-BSDAK

01.Numan Baliq

02.Hilmo Kandiq

03.Kaltrina Berisha

04.Sefket Hukiq

05.Ardian Nokaj

06.Ifeta Jakupi

07.Enis Haredini

08.Afrim Haziri

09.Jasmina Krasniqi

10.Gëzim Spahiu

11.Kreshnik Husaj