Tri shkolla në Prishtinë pajisen me dollapë për fëmijët, Rama: Hap i rëndësishëm për shëndetin e të vegjëlve tanë

12:16 | 15 Shkurt 2023
E.H

Kryetari i Komunës së Prishtinës, Përparim Rama ka njoftuar se tri shkolla fillore në kryeqytet janë pajisur me dollapë të fëmijëve nga klasa e parë deri në të pestën.

“Shkollat Hasan Prishtina, Ismail Qemaili dhe Naim Frashëri tashmë të pajisura me dollape të fëmijëve për klasët e para deri në klasët e pesta”, ka njoftuar Rama.

I pari i Prishtinës përmes një postimi në rrjetin social Facebook ka thënë se ky është një hap shumë i rëndësishëm për shëndetin e fëmijëve.

“Një hap tejet i rëndësishëm për të hequr barrën e çantave të rënda që rrezikojnë shëndetin e të vegjëlve tanë. Dalëngadalë, shkollat e kryeqytetit po shndërrohen në ambiente më praktike e miqësore për të gjithë nxënësit”, përfundoi shkrimin Rama./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm