Tre persona theren me thikë në Rahovec, pesë të tjerë të arrestohen

17:39 | 17 Gusht 2023
K.B

Tre persona kanë mbetur të lënduar pas një përleshje që ka ndodhur në fshatin Xërxë të Rahovecit.

Lajmin për Arbresh.info e ka konfirmuar zëdhënësi i i Policisë së Kosovës për Rajonin e Gjakovës, Sheremet Elezaj.

Ai bëri të ditur se rasti ka ndodhur në orët e para të mëngjesit të ditës së sotme, duke shtuar se të lënduarit kanë pranuar tretman mjekësor.

“Sot rreth orës 03:35 tre persona (meshkuj të moshës madhore) kanë kërkuar ndihmë mjekësore në Spitalin Rajonal në Gjakovë për shkak të lëndimeve (dyshohet nga mjet i mprehtë), pasi ishin përfshirë në një përleshje fizike në një restorant në fshatin Xerxë. Të lënduarit janë jashtë rrezikut për jetë”, deklaroi ai.

Elezaj tregoi gjithashtu se rreth këtij rasti janë identifikuar dhe arrestuar pesë persona./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm