Tre persona të plagosur nga të shtënat me armë zjarri në Prishtinë

20:45 | 20 Tetor 2023
K.B

Tre persona kanë mbetur të plagosur pas një përleshje me armë zjarri lagjen “Lakrishtë” në Prishtinë.

Lajmin për Arbresh.info e ka konfirmuar zyrtarja për Informim e Policisë, Flora Ahmeti, e cila tha se rasti ka nodhur rreth orës 19:00.

“Sot rreth orës 19:00 policia ka marrë informatën për një plagosje me armë zjarri të ndodhur në lagjen Lakrishtë në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen”, ka thënë Ahmeti.

Sipas saj, deri më tani janë identifikuar dy persona si të dyshuar në këtë rast.

“Bazuar në të dhënat fillestare dyshohet se me armë zjarri janë plagosur tre persona, të cilët janë dërguar për tretman mjekësor. Hetuesit policor në koordinim me prokurorinë, po ndërmarrin veprimet hetimore për arrestimin e dy personave të dyshuar ( të cilët janë identifikuar) si dhe ndriçimin e plotë të rastit”, ka shtuar ajo.

Shpërndaje në rrjete sociale

Lajmet më të lexuara

Të ngjashme

Foto lajm