Situata në Kosovë dhe operacioni i KFOR-it që udhëhiqet nga NATO-ja ka qenë njëra prej temave të takimin e 180 me radhë të Komitetit ushtarak të NATO-s, të zhvilluar në Bruksel në nivel të shefave të Mbrojtjes, apo më saktësisht të shefave të shtabeve të përgjithshme të ushtrive të vendeve anëtare.
Në këtë takim, që i paraprin takimit të ardhshëm të ministrave të Mbrojtjes, janë diskutuar shumë çështje që kanë të bëjnë me rritjen e kapaciteteve ushtarake të Aleancës, në mënyrë që ajo të përballet me sfidat e sigurisë, shkruan sot Koha Ditore.
Temat ishin prej sigurisë kibernetike, raporteve me Rusinë, situatës në Ukrainë e deri tek misionet e NATO-s në Afganistan dhe Kosovë.
Shefi i Komitetit ushtarak të NATO-s, Mareshali Stuart Peach, ka thënë pas takimit të këtij trupi më të lartë ushtarak të NATO-s në nivel të shefave të shtabeve të përgjithshme të vendeve anëtare se kanë marrë në dijeni marrëveshjen, sipas së cilës duhet të rishqyrtohet niveli i angazhimit të NATO-s me FSK-në në rast të evoluimit të mandatit, porse, sipas tij, kjo nuk do ta ndryshojë praninë e NATO-s në Kosovë, që është në bazë të Rezolutës së OKB-së.
Netanyahu: Vrasja e Nasrallahut ishte hap i domosdoshëm
Osasuna fiton me ‘poker’ golash ndaj Barcelonës – humbja e p...
Agron Nuredini – Kandidati me origjinë shqiptare për z...
Bananet me 2 tonë kokainë mbërrijnë në Gjermani, mes të arre...
Analistët: S’pritet progres në dialog
Volkswagen lëshon “paralajmërimin e dytë rreth fitimit” në t...