Theret me thikë një 50 vjeçar në Prizren, arrestohen dy persona

23:34 | 22 Qershor 2022
E.H

Sot rreth orës 19:30, në rrugën “Muharrem Hoxhaj” në Prizren, një person rreth 50 vjeç është therur me thikë, raporton Policia e Kosoves në rajonin e Prizrenit.

Sipas Policisë, pas një fjalosje dhe konfrontimi verbal, ka ardhur deri te përleshja fizike, ku dy të dyshuarit R.B dhe A.Sh kanë sulmuar viktimën, shkruan arbresh.info.

Në këtë rast dyshohet se i dyshuari R.B. e ka goditur me thikë në abdomen viktimën, duke i shkaktuar lëndim të rëndë trupor.

Viktima është duke u trajtuar në spital dhe për momentin, sipas mjekut kompetent gjendja e tij është e rëndë.

Njësiti policor në vendin e ngjarjes kanë gjetur dhe sekuestruar një gyp të metalit dhe një thikë si prova materiale.

Me vendim të prokurorit të shtetit të dyshuarit janë ndaluar për 48 ore dhe rasti po vazhdon të hetohet./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm