Google ADS

Thellohet bashkëpunimi ndërmjet SHKK-së dhe Ambasadës Britanike

13:29 | 18 Shtator 2024
E.G

Drejtori i Përgjithshëm i Shërbimit Korrektues të Kosovës, Ismail Dibrani, priti në takim Shefen e Sundimit të Ligjit dhe Sektorit të Sigurisë pranë Ambasadës së Britanisë së Madhe në Prishtinë, Margaret Belof.

Sipas njoftimit, ata diskutuan për sfidat dhe bashkëpunimin në fushën e korrektimit dhe të sigurisë në vend, shkruan Arbresh.info.

Po ashtu në këtë takim u trajtua edhe nevoja për avancimin e kapaciteteve të SHKK-së dhe roli i ambasadës në mbështetjen e këtyre përpjekjeve.

Takimi përfaqësoi një hap të rëndësishëm drejt thellimit të bashkëpunimit ndërmjet Shërbimit Korrektues të Kosovës dhe Ambasadës Britanike.

Në përfundim të takimit, Dibrani dhe Belof u dakorduan për thellimin e bashkëpunimit, shkëmbimin e përvojave dhe praktikave më të mira në fushën e korrektimit dhe risocializimit të të burgosurve./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm