Google ADS

Thaçi: Vlera më e madhe e Kosovës është shoqëria multi-etnike

13:38 | 15 Shkurt 2020
Arbresh.info

Presidenti i Republikës së Kosovës, Hashim Thaçi, ka uruar komunitetin ashkali në Kosovë për Ditën Kombëtare të Flamurit të tyre.

“Vlera më e madhe e Kosovës është shoqëria multi-etnike që kemi ndërtuar së bashku, ku të gjitha komunitet jetojnë të barabarta, në bashkëpunim, për një jetë më të mirë për të gjithë”, u shpreh presidenti Thaçi.

“Në këtë mozaik, vendin e vet e gëzon edhe komuniteti ashkali në Kosovë. E vlerësojmë punën e çdo pjesëtari të komunitetit, të udhëheqësve të tyre politikë, të përfaqësuesve të tyre nga shoqëria civile e nga media, për integrim sa më të mirë dhe për avancim të pozitës së komunitetit ashkali në shtetin dhe shoqërinë e Kosovës”, ka vlerësuar presidenti Thaçi.

Presidenti Thaçi ka uruar pjesëtarët e komunitetit ashkali në Ditën e Flamurit të Komunitetit Ashkali, si dhe për kontributin e tyre si pjesë e ndërtimit të Kosovës shtëpi të të gjithë qytetarëve të saj.

 

Shpërndaje në rrjete sociale

Lajmet më të lexuara

Të ngjashme

Foto lajm